Музей қоры

Музей қоры  2011 жылы  «Түркістан облыстық тарихи-мәдени-этнографиялық орталық» болып ашылған кезде 1600 жәдігермен құрылған. 2011жылы   Алматы қаласындағы«Этнодизайн  Қазақ – 2030» ЖШС директоры Аманжол Найманбай музей экспозициясын жабдықтап, жергілікті  халықтың қолында сақталған құнды дүниелерді музейге тапсыруға  ықпал жасаған. 2021жылдың наурыз айында Түркістан облыстық Ұлы Дала Елі орталығы болып өзгерді. Қазіргі кезде  Қор сақтау және есепке алу бөлімінің қорында 7238 дана жәдігер мемлекеттік тіркеуге алынған, оның ішінде 4166 данасы негізгі қор, 3072 данасы  ғылыми қор есебінде. Олардың басым көпшілігі  түпнұсқада тарихи құнды дүниелер. Атап айтқанда Түркістан тарихына байланысты алтын, күміс, мыс теңгелер күмбесі, қазақ халқының өткен  өмірінің  тұрмыс-тіршілігінен  мағлұмат беретін  этнографиялық жәдігерлер және де Ұлы даланың жеті қырына байланысты жәдігерлер. Қазіргі уақытқа дейін қор бөлімі ашылмаған, ғылыми-әдістемелік бөлімнің ғылыми қызметкері А.Мирзабекова және де маманы М.Тұрсынбаеваға қор бөлімін жүргізу жүктелген.

Музей қоры  Қазақстан Республикасы Мәдениет және ақпарат министрінің  2015 жылғы 7 желтоқсандағы  № 372 бұйрығымен бекітілген Қазақстан Республикасы музей қорын қалыптастыру және сақтау ережесіне сәйкес жұмыс жасайды, ереже бойынша музей қорын қалыптастыру төмендегідей жүзеге асырылады делінген:

1. Музей  жәдігерлері мен музей жинақтарын иеленушісінен сатып алу жолымен;
2. Жеке және заңды тұлғалардан сый немесе мұра ретінде қабылданған заттар есебінен;
3. Сот арқылы немесе өзгеде осындай құзыреті бар мемлекеттік органдардың шешімі арқылы тәркіленген мұражайлық маңызы бар жинақтардың немесе жекелеген заттардың есебінен;
4. Археологиялық экспедициялардың нәтижесінде немесе өзге де жағдайларда табылған тарихи-көркемдік құндылықты құрайтын заттардың және көмбелердің есебінен толықтырылып отырады.